رایس له‌گه‌ڵ بارزانی و تاڵه‌بانی كۆبوه‌وه‌

YDKnews: كۆندۆلیزا رایس ئه‌مرۆ له‌ گه‌ڵ جه‌لال تاڵه‌بانی سه‌رۆك كۆماری عێراق و مه‌سعود بارزانی سه‌رۆكی هه‌رێمی كوردستان كۆبووه‌.   دوای گه‌یشتنی كۆندۆلیزا رایسی وه‌زیری ده‌ره‌وه‌ی ئه‌مه‌ریكا بۆ به‌غدا و كۆبوونه‌وه‌ی له‌گه‌ڵ نوری مالكی سه‌رۆك وه‌زیرانی عێراق، وه‌زیری ده‌ره‌وه‌ی ئه‌مه‌ریكا له‌گه‌ڵ هه‌ریه‌ك له‌ جه‌لال تاڵه‌بانی سه‌رۆك كۆماری عێراق و مه‌سعود بارزانی سه‌رۆكی هه‌رێمی كوردستان كۆبوه‌وه‌. وه‌زیری ده‌ره‌وه‌ی ئه‌مه‌ریكا به‌ره‌به‌یانی ئه‌مڕۆ گه‌یشته‌ به‌غدا و بڕیاریشه‌ له‌گه‌ڵ هۆشیار زێباری وه‌زیری ده‌ره‌وه‌ی عێراق به‌مه‌به‌ستی تاوتوێكردنی چه‌ند مه‌سه‌له‌یه‌كی گرنگ كۆبێته‌وه‌.

نوشته شده توسط هاوار جوانڕۆیی در چهارشنبه بیست و ششم دی 1386 و ساعت 16:0 لینک

سوپای‌ توركیا چه‌ند ناوچه‌یه‌كی‌ سه‌ربه‌ حاجی‌ ئۆمه‌ران بۆردومان ده‌كات

سوپای‌ توركیا چه‌ند ناوچه‌یه‌كی‌ سه‌ربه‌ حاجی‌ ئۆمه‌ران بۆردومان ده‌كات

YDKnews: نیوه‌ڕۆی‌ ئه‌مڕۆ فڕۆكه‌ جه‌نگییه‌كانی‌ سوپای‌ توركیا ناوچه‌ی‌ خنێره‌و چه‌ند ناوچه‌یه‌كی‌ دیكه‌ی‌ سه‌ربه‌ حاجی‌ ئۆمه‌رانیان بۆردومان كرد. ناوچه‌ی حاجی ئۆمه‌ران ده‌كه‌وێته‌ سنووری باشووری و رۆژهه‌ڵاتی كوردستان كه‌ بۆ ماوه‌یه‌كی درێژ ئه‌م بۆردومانه‌ به‌رده‌وام بوو. هه‌ر له‌م باره‌یه‌وه‌ سوپای‌ توركیا ئه‌و هه‌وڵانه‌ی‌ پشتراستركرده‌وه‌ كه‌ باس له‌ توَپبارانكردنی‌ بنكه‌وباره‌گاكانی‌ په‌كه‌كه‌ ده‌كه‌ن له‌ناوچه‌ سنوریه‌كانی‌ هه‌رێمی‌ كوردستان. به‌ گوێره‌ی‌ به‌یاننامه‌یه‌ك كه‌ له‌ سایتی‌ فه‌رمانده‌یی‌ گشتی‌ سوپای‌ توركیادا بڵاو كراوه‌ته‌وه‌:ئه‌مروَ فڕوَكه‌ جه‌نگییه‌كانی‌ توركیا ناوچه‌ سنورییه‌كانی‌ (زاب و شیوێ و ئاواشین و ‌وئاواباسیا و خواكورك)یان بوَردومانكردووه‌. تاكو ئیستا هیچ زیانیكی گیانی و مادی رانه‌گیه‌ندراوه‌ و ته‌نیا هێندیك له‌ خه‌ڵك گونده‌كان ئاواییه‌كانی خۆیان چوول كردووه‌.

نوشته شده توسط هاوار جوانڕۆیی در چهارشنبه بیست و ششم دی 1386 و ساعت 15:57 لینک

سه‌رۆكی سوپای پاسداران به‌ نهێنی سه‌ردانی‌ عێراقی كردووه‌

YDKnews: محه‌مه‌د عه‌لی جه‌عفه‌ری سه‌رۆكی سوپای پاسدارانی به‌شێوه‌ی نهێنی له‌ تارانه‌وه‌ گه‌یشتۆته‌ به‌غدا و توانیویه‌تی له‌ گشت خاڵه‌كانی پشكنین بپه‌ڕێته‌وه رۆژنامه‌یه‌كی به‌ریتانی ئاشكرایكرد كه‌ سه‌رۆكی سوپای پاسدارانی ئێران مانگی رابردوو دزه‌ی كردۆته‌ ناوچه‌ی "خه‌زرا"ی به‌غدا بۆ ئه‌وه‌ی فشار بخاته‌ سه‌ر ده‌سه‌ڵاتدارانی حكومه‌تی مالكی و به‌رژه‌وه‌ندیه‌ ئێرانیه‌كان له‌ عێراق بپارێزرێن. رۆژنامه‌ی سه‌ندای تایمزی به‌ریتانی له‌ راپۆرتێكدا ئاشكرایكرد: محه‌مه‌د عه‌لی جه‌عفه‌ری سه‌رۆكی سوپای پاسدارانی، هه‌رچه‌نده‌ له‌ داواكراوه‌ یه‌كه‌مینه‌كانه‌ له‌لایه‌ن هێزه‌ ئه‌مه‌ریكیه‌كان، به‌شێوه‌ی نهێنی له‌ تارانه‌وه‌ گه‌یشتۆته‌ به‌غدا و توانیویه‌تی له‌ گشت خاڵه‌كانی پشكنینی چوارده‌وری ناوچه‌ی خه‌زرا بپه‌ڕێته‌وه‌. رۆژنامه‌كه‌ ئاشكراشیكرد كه‌ ره‌نگه‌ چوونی جه‌عفه‌ری بۆ به‌غدا به‌مه‌به‌ستی فشارخستنه‌ سه‌ر نوری مالكی بێت بۆ ئه‌وه‌ی هه‌وڵه‌كانی به‌مه‌به‌ستی ئازادكردنی ژماره‌یه‌ك دیبلۆماتكاری ئێران كه‌ له‌ لایه‌ن هێزه‌كانی سوپای ئه‌مه‌ریكا له‌ عێراق ده‌ستبه‌سه‌ر كراون

نوشته شده توسط هاوار جوانڕۆیی در دوشنبه بیست و چهارم دی 1386 و ساعت 22:36 لینک

سوپای پاسدارانی ئێران هێزه‌كانی له‌سه‌ر سنووری كۆ ده‌كاته‌وه‌

YDKnews: هێزه‌كانی سوپای پاسدارانی ئێران له‌ دوای هه‌ره‌شه‌ی ئه‌مریكا له‌ خه‌لیج هێزه‌كانیان له‌ سه‌ر سنووره‌كانی كوردستان كۆ كردوته‌وه‌. دوای هه‌ره‌شه‌ی كه‌ی ئه‌مریكا ئێرانیش له‌ سێ میحوه‌رووه‌ ده‌ستی كردووه‌ به‌ جم و جۆڵ و كۆ كردنه‌وه‌ی توپ و كاتێوشای خۆی ره‌وانه‌ی سنووره‌كان كردووه‌ و له‌ جێگا به‌رزه‌كان جێگیری كردوون. به‌ پێی هه‌واڵی هه‌واڵنیرمان چه‌ك قورسه‌كان بۆ به‌رزایه‌كانی گابه‌ڵه‌ك و كویستانه‌كانی سویسه‌نێ كه‌ ده‌كه‌ویته‌ رۆژهه‌ڵاتی قه‌ندیل و دوو له‌ سه‌رگرده‌ی شاری پیرانشه‌هر و هه‌روه‌ها رۆژهه‌ڵات و سنووری حاجی ئۆمه‌ران بردراون و جێگیر كراون و هه‌روها  توپی قورسیش و هێزیكی زۆر بۆ گۆندی بادیناوێ ره‌وانه‌ كراوه‌ و دوو فه‌رمانده‌ی پایه‌به‌رزی سوپای پاسدارانی ئێرانیش به‌شداریان تێدا كردووه‌ به‌ پێی سه‌رچاوه‌ی هه‌واڵمان له‌ پێرانشه‌هر تاكۆ ئێستا هێچ توپبارانێك له‌ لایه‌ن سوپای پاسدارانی ئێرانه‌وه‌ نه‌كراوه‌. شایانی باسه‌ كه‌ سوپای پاسداران وه‌كو ئاماده‌كاری له‌به‌رامبه‌ر هه‌ر هێرشێك هێزه‌كانی كۆ كردوته‌وه‌ ئه‌وه‌ له‌ كاتێكدایه‌ كه‌ چه‌ند رۆژه‌ له‌مه‌وبه‌ر ئه‌مریكا له‌ سه‌ر زیاده‌ره‌وی سوپای پاسداران له‌ خه‌لیج ئێران هه‌ره‌شه‌ی توندی له‌ ئێران كردبوو.

نوشته شده توسط هاوار جوانڕۆیی در شنبه بیست و دوم دی 1386 و ساعت 16:4 لینک

بوش هۆشداریه‌كی توندی دایه‌ ئێران

YDKnews: جۆرج بوش سه‌رۆكی ئه‌مه‌ریكا هۆشداری دایه‌ ئێران كه‌ هه‌ر هێرشێك بۆ سه‌ر‌ سه‌ربازی‌ ئه‌مه‌ریكا ئاكامی مه‌ترسیدار و چاوه‌ڕواننه‌كراوی لێده‌كه‌وێته‌وه. له‌ میانه‌ی كۆبگره‌یه‌كی رۆژنامه‌وانی هاوبه‌شدا له‌گه‌ڵ ئه‌یهود ئۆلمه‌رتی سه‌رۆك وه‌زیرانی ئیسرائیل، جۆرج بوش سه‌رۆكی ویلایه‌ته‌ یه‌كگرتووه‌كانی ئه‌مه‌ریكا هۆشداری دایه‌ ئێران كه‌ هه‌ر هێرشێك بۆ سه‌ر كه‌شتیه‌ سه‌ربازیه‌ ئه‌مه‌ریكیه‌كانی كه‌نداو ئاكامی مه‌ترسیدار و چاوه‌ڕواننه‌كراوی لێده‌كه‌وێته‌وه‌. بوش له‌ میانه‌ی كۆنگره‌ رۆژنامه‌وانیه‌كه‌دا له‌ شاری قودس رایگه‌یاند: ته‌شقه‌ڵه‌كردنی به‌له‌مه‌ ئێرانیه‌كان به‌ كه‌شتیه‌ سه‌ربازیه‌ ئه‌مه‌ریكیه‌كان له‌ گه‌رووی هورمز ئاماژه‌یه‌كی ترسناكه‌ كه‌ ئێران به‌رده‌وامه‌ له‌ هه‌ڕه‌شه‌كانی بۆ سه‌ر ئاشتی گشت جیهان. له‌ درێژه‌شدا بوش گوتی: ئامۆژگاری ئێمه‌ بۆ ئێرانیه‌كان ئه‌وه‌یه‌ كه‌ هه‌ڵسوكه‌وتی له‌و جۆره‌ دووباره‌ نه‌كه‌نه‌وه‌ چونكه‌ هه‌ڵوێستی ئێمه‌ له‌باره‌ی دووباره‌ بوونه‌وه‌ی ئه‌و كاره‌ روون و ئاشكرایه‌ و به‌شێوه‌ی گونجاو به‌رپه‌رچی هه‌ر ته‌شقه‌ڵه‌یه‌ك ده‌ده‌ینه‌وه‌.

نوشته شده توسط هاوار جوانڕۆیی در جمعه بیست و یکم دی 1386 و ساعت 15:40 لینک

دیداری وه‌فدێكی یه‌كێتی دیموكراتی كوردستان له‌ ناوه‌ندی كۆمه‌ڵه‌

رۆژی پێنج شه‌ممه‌ به‌رواری 6ی به‌فرانباری 1386 وه‌فدێكی یه‌كێتی دیموكراتی كوردستان سه‌ردانی باره‌گای ناوه‌ندی كۆمه‌ڵه‌ی– ره‌وتی چاكسازی و گه‌شه‌-ی كرد.
وه‌فدی یه‌كێتی دیموكراتی كوردستان كه‌ پێكهاتبوو له‌ به‌ڕێزان " عوسمان جه‌عفه‌ری" سكرتێری گشتی و " محه‌مه‌د خوش چێره‌" و " فه‌ره‌یدون محه‌مه‌دی" له‌ لایه‌ن به‌ڕێزان " عومه‌ری ئیلخانیزاده‌" و سادێق زه‌ندی" ئه‌ندامانی به‌ڕێوه‌به‌رایه‌تی و " ئارام موده‌رێسی" به‌رپرسی ده‌بیرخانه‌ی كۆمه‌ڵه‌ و " ئه‌میر سه‌ڵه‌واتی" جێگری په‌یوه‌ندییه‌كانی كۆمه‌ڵه‌ پێشوازییان لێكرا.
ئه‌م دانیشتنه‌ كه‌ نزیك دوو كاتژمێر درێژه‌ی هه‌بوو دوو لایه‌ن له‌ سه‌ر بارودۆخی ئێستای كوردستان ، ئێران و ناوچه‌كه‌ دوان و كێشه‌ و خاڵه‌لاوازه‌كان كه‌وتنه‌ به‌ر باس و شرۆڤه‌وه‌. ته‌وه‌رێكی دیكه‌ی ئه‌م دانیشتنه‌ له‌سه‌ر هاوئاهه‌نگی زۆرتری حیزبه‌كوردستانییه‌كان پێكه‌وه‌ و پاشان له‌سه‌ر پته‌وتربوون و به‌رده‌ام بوونی پێوه‌ندییه‌كانی هه‌ردوو لا داكۆكی كرا.
له‌ كۆتایی دا وه‌فدی یه‌كێتی دیموكراتی كوردستان له‌لایه‌ن كۆمیته‌ی سه‌ركردایه‌تی كۆمه‌ڵه‌وه‌ به‌ڕێ كران.

نوشته شده توسط هاوار جوانڕۆیی در جمعه بیست و یکم دی 1386 و ساعت 14:23 لینک